Det lukkast endeleg å få til eit intervju med Sivert og Giil Maskin. At han har det travelt tenkjer vi er eit veldig godt skussmål for eit firma! Vi tok oss ein føremiddgsprat i kaffikroken på Leirvik Senter.
Sivert har alltid hatt lyst å starte eige firma, og har drifta Sivert Ved og Slått sidan 2012. I 2022 etablerte han firmaet Giil Maskin som ei slags vidareføring av det gamle firmaet, og sidan sommaren 2023 har dette vore fulltidsjobban hans.
Etter at han var ferdig med grunnskulen på Hyllestad, gjekk han rett ut i 4 års læretid hjå Åm Sognnes Bygdeservice. Etter dette jobba han eitt år hjå Anleggsgartner Baarøy AS i Førde. Han bur for tida på slektskarden på Giil, Sørbøvåg.
Giil Maskin vidarefører mykje av arbeidet som Sivert Ved og Slått utførte, i tillegg til å ta på seg fleire nye oppgåver. Arbeid som vert utført er til dømes felling av tre, flisekutting, beitepussing, tømmertransport med tømmervogn og mykje meir. Han har gjort mykje anleggsgartnararbeid i Førde tidlegare, og for beskjæring av tre nyttar Sivert ei stangsag med rekkevidde på 5 meter. Så her skulle det vere mogeleg for dei fleste å få trimma hekken.
Sivert har nyleg gjennomført HMS kurs og tilbyr ulike typar gravearbeid og traktortenester. Treng du ved til vinteren, har han dette til sals og. Han har og flisekuttar for utleige.
På vinteren driv Sivert mellom anna med brøyting og leiger seg ut til Indrefjord Gard. Dette er tidkrevjande, i tillegg til sjølve brøytinga går det mykje tid til vedlikehald av utstyr og tømmerhogst. Både traktor og reiskap må haldast ved like for å sikre best mogeleg drift.
Arbeidsoppgåvene til Giil Maskin er mange og varierte, akkurat slik Sivert likar det. Han har etterkvart opparbeida seg mykje- og variert erfaring.
Han har for tida samarbeid med Åm Sognnes Bygdeservice på ulike oppdrag, og er veldig positiv til samarbeid med andre næringsdrivande. Framover tenkjer han og å prøve seg på tømmerdrift med traktor og tømmervogn.
Så om du ynskjer arbeid utført, eller kanskje samarbeid på eit felles prosjekt eller to, ikkje nøl med å ta kontakt. Han tilbyr gratis synfaring!
Kontakt:
Giil Maskin
Øvre Heggebøen 43
6953 Leirvik i Sogn
Ring Sivert på telefon: 958 35 411
Eller send han ein e-post på: sivert.giil@enivest.net
Du kan følgje Giil Maskin på Facebook
Og du kan besøke heimesida til Giil Maskin